“Оскар–2026” сыйлыгын “Битва за битвой” тасмасы жеңди

Бишкек, 16.03.26 /Кабар/. Күн мурун АКШнын Лос-Анжелес шаарында Киноакадемиянын 98-“Оскар” сыйлыгын тапшыруу аземи болуп өттү. Анда “Битва за битвой” тасмасы биринчиликти алды. Бул тууралуу Известия” билдирет Маалыматта белгиленгендей, бул жылы сыйлыкка “Эң мыкты кастинг” аттуу жаңы номинация кошулду Негизги жеңүүчүлөр төмөнкүлөр: Башкы сыйлыкты жеңген “Битва за битвой” тасмасынын режиссёру — Пол Томас Андерсон. Фильм америкалык постмодернист жазуучу Томас Пинчон жазган “Вайнленд” романынын негизинде тартылган Фильмдин жанры — комедия жана саясий боевик. Сюжет эки атанын каршылыгы жөнүндө: бири — солчул революционер, экинчиси — фашисттик көз караштагы аскер Фильм ошондой эле “Эң мыкты адаптацияланган сценарий”, “Эң мыкты монтаж” жана “Эң мыкты кастинг” номинациялары боюнча да жеңүүчү аталды. Мындан мурда бул фильм Golden Globe Awards жана BAFTA (British Academy of Film and Television Arts) сыйлыктарында да чоң жеңишке жеткен