"Миллион күлкү жана убакыт саякаты". Ырчы Айпери Сыдыкова 40 жашка толду

Бүгүн, 16-март – ырчы, бир катар ырлардын автору Айпери Сыдыкованын туулган күнү. Ал 40 жашка толду. Ырчы айым өздүк майрамында социалдык тармактагы баракчасына пост жүктөп, "Миллион күлкү жана убакыт саякаты" деген билдирүү менен балалыгын эске салды "Кичинекей Айпери менен чоң Айпери, миллион күлкү жана убакыт саякаты. Жыл сайын 18 жаш 100 жолу кайталана берсин. Жаратканга, ата-энеме чексиз ыраазымын. Бала кезимден эле "бактылуу болоюн" деп бата кыла берчүмүн, көрсө, түшүнүп-түшүнбөй жакшы нерсени тилеген экенмин", - деген ал Айпери Сыдыкова 1986-жылы 16-мартта Ош шаарында жарык дүйнөгө келген. "Кыз-Бурак" тобуна 2003-жылы келип, сахнага "Чын эле мени унуттуңбу?" ыры менен чыккан. 2007-жылы аталган топтон кетип, сөзү, обону өзүнө таандык "Апакай ак куу" аталышындагы ыры менен кайра сахнага жеке ырчы катары кайтып келген Учурда ырчы айым үй-бүлөлүү, жолдошуу экөө 3 баланы тарбиялап келишет 16-мартка карата жылнаама