Ҳашарда фаоллик кўрсатилди

Мазкур тадбир доирасида ҳудудларда ободонлаштириш, атроф-муҳитни тозалаш ва кўкаламзорлаштириш ишлари кенг кўламда амалга оширилмоқда. Ушбу хайрли ташаббус доирасида Ўзбекистон Либерал-демократик партияси Қорақалпоғистон Республикаси Кенгаши ходимлари ҳам фаол иштирок этиб, ҳудудларни ободонлаштириш ишларига муносиб ҳисса қўшмоқда – Бугун мамлакатимиз бўйлаб ўтказилаётган умумхалқ ҳашари, жамиятимиздаги бирдамлик ва ҳамжиҳатликнинг ёрқин ифодаси бўлди. Чунки маҳалла – бу фақат яшайдиган жой эмас, балки инсонлар ўртасидаги меҳр-оқибат, ўзаро ҳурмат ва масъулият шаклланадиган муҳим ижтимоий муҳитдир, – дея таъкидлайди партиянинг “Ёшлар қаноти” фаоли Жаздай Балтабаева Дарҳақиқат, маҳалланинг, юртнинг обод бўлиши, аввало, шу ерда яшайдиган ҳар бир инсоннинг фаоллиги ва бефарқ бўлмаслигига боғлиқ. Бугунги ҳашарда айнан шу ғоя яна бир бор намоён бўлмоқда Довуд Абибуллаев, ЎзА