Ҳамжиҳатлик ва тотувлик рамзи

Улуснинг улуғ куни, янги йил, янги куннинг бошланиши сифатида нишонланадиган бу байрам қозоқ халқининг ота-боболардан мерос бўлиб келаётган қадриятларидан биридир. Ҳамжиҳатлик ва тотувлик рамзи ҳисобланган ушбу байрам кўп миллатли Қорақалпоғистон Республикасида ҳам кенг нишонланиши анъанага айланган – Амал байрами ёки кўришув – қариндош-уруғлар тотувлиги, халқлар ҳамжиҳатлигининг ифодаси. Чунки, бу анъана қариндошлар орасидаги тотувликни мустаҳкамлаб, топиштиради. Одамлар бир-бирига яхшиликлар тилаб, олқишлар айтилади, – дейди институтнинг қозоқ, туркман тили ва адабиёти кафедраси мудири, доцент Иристи Қуттимуратова Кечада Филология факультети декани Гулбаҳар Бегмуратова, Қорақалпоғистон Республикаси Қозоқ миллий-маданий маркази раҳбари Асқар Умбетаев сўзга чиқиб, уйғониш айёми, Наврўз жарчиси бўлган амал байрами билан табриклади, бу байрамнинг миллатлараро тотувликни мустаҳкамлашдаги аҳамиятига алоҳида тўхталди Тадбир доирасида қозоқ халқининг авлоддан-авлодга ўтиб келаётган миллий таомлари, миллий кийимлари кўргазмаси ташкил этилиб, иқтидорли талабалар ижросидаги куй-қўшиқлар, миллий рақслар, миллий анъаналар ва урф-одатлар акс этган саҳна кўринишлари, савол-жавоблар иштирокчиларга байрамона кайфият улашди Довуд Абибуллаев, ЎзА