Қазақстанда тағы бір мамандардың жалақысы 30%-ға өсетін болды: 16 наурыз 2026

Бұл заң Мемлекет басшысының тапсырмасын орындау аясында қабылданған. Құжатты Туризм және спорт министрлігі әзірлеген. Заң балалар мен жасөспірімдер спорт мектептерін (БЖСМ) жан басына шаққандағы нормативтік қаржыландыру жүйесіне кезең-кезеңімен көшіруді көздейді Заң аясында БЖСМ жаттықтырушы-оқытушыларының жалақысын арттыру қарастырылған. Атап айтқанда, олардың еңбекақысы лауазымдық жалақының 30 пайызы мөлшерінде өседі, - деп хабарлады Туризм және спорт министрлігі Қосымша төлем біліктілік тестілеуінен өткен және оқу-жаттығу процесін даярлықтың ұлттық стандарттарына сәйкес жүргізетін жаттықтырушы-оқытушыларға беріледі Қазіргі таңда Қазақстанда 526 балалар мен жасөспірімдер спорт мектебі жұмыс істейді. Онда 15 мыңнан астам жаттықтырушы-оқытушы еңбек етеді. Жыл сайын жаттықтырушылардың шамамен 30 пайызы біліктілік тестілеуінен өтеді деп жоспарланып отыр Тестілеуді Республикалық дене шынықтыру және спорт бойынша оқу-әдістемелік және талдау орталығы өткізеді Еске салсақ, балалар спортын қаржыландыру көлемі екі есеге артады. Тиісті құжатқа Президент қол қойды